आफ्नै निर्माण तथा निर्देशनको नयाँ चलचित्र ‘कमिट्मेन्ट: सिक्टी आवर्स’ का लागि अभिनेता निखिल उप्रेतीलाई एउटी नयाँ नायिकाको आवश्यकता पर्यो । त्यसक्रममा उनले दर्जनौं नयाँ अनुहारका तस्बिर नियाले तर चित्त बुझाएनन् ।
मुम्बईदेखि अमेरिकासम्म छायांकन हुने उक्त चलचित्रका लागि उनलाई अंग्रेजीमा पोख्त नायिका चाहिएको थियो । करिब तीन साताको प्रयास विफल भएपछि निखिललाई उनकै धर्मपत्नी सञ्चिता लुइँटेलले एउटा नाम सुझाइन् । सुरुमा त उनी आश्चर्यमा परे, तर एकाग्र भएर सोचेपछि उनले सञ्चिताको सुझावलाई गम्भिर रूपमा मात्र लिएनन्, उनले सुझाएकी युवतीलाई नायिकाको भूमिकामा प्रस्तुत गर्ने निर्णयसमेत गरे ।
ती युवतीले मुम्बईमा बेचिएकी ती चेलीको भूमिका निर्वाह गर्नु पर्नेछ जसलाई उद्धार गरेर नेपाल ल्याउने जिम्मा निखिलकै हुन्छ । सञ्चिताले सुझाएकी ती युवती अरू कोही नभएर निखिलकै साली अर्थात सञ्चिताकी बहिनी सिवानी लुइँटेल हुन् । सालीसँग अनस्क्रिन रोमान्स गर्न तयार निखिलले काठमाडौंबाट उक्त चलचित्रको छायांकन प्रारम्भ गरिसकेका छन् ।
Source: Ekantipur
No comments:
Post a Comment